| By Pranay Kumar Seth (Batch - 2023)
Zindagi humein har pal har mod par, yahi sikhati hai
Zindagi humein har pal har mod par, yahi sikhati hai
Agar kuch chizo ka jaana nishchit hai, toh nayi khushiyon ka aagman baaki hai
Agar kuch chizo ka jaana nishchit hai, toh nayi khushiyon ka aagman baaki hai
Bachpan se yahi seekha, ki zindagi santushti se jee jaati hai, pair wahi tak pasaariye jahan tak aapki chaadar jaati hai.
Magar hum paaglo ko iss duniya ki baatein kahan samjh aati hai,
Magar hum paaglo ko iss duniya ki baatein kahan samjh aati hai,
kyuki abhi toh humare Sapno ki udaan baaki hai!
Yaad hai woh din, jab kisi school competition mai pehli baar koi inaam jeeta tha?
Aaj bhi uss din ko yaad kar yahan kai chehro par muskaan aa jaati hai,
Aaj bhi uss din ko yaad kar yahan kai chehro par muskaan aa jaati hai,
kyuki zindagi exam k panno se nahi, sunehri yaado si jee jaati hai.
Yahan sabhi ne suna hoga, ki dasvi baarvi kar lo , fir toh zindagi khushi se bitani hai
Yahan sabhi ne suna hoga, ki dasvi baarvi kar lo , fir toh zindagi khushi se bitani hai
Aaj unn baato ko sunn kar maano hasi si choot jaati hai
Agar chaahte toh graduation ki degree aur naukri se santusht ho sakte the hum,
Agar chaahte toh graduation ki degree aur naukri se santusht ho sakte the hum,
lekin iss rooh ki chaahat abhi aur baaki hai kyuki abhi toh humare Sapno ki udaan baaki hai.
2020 mai jab corona se duniya ruk si gayi, gharo k andar humari zindagi maano tham si gayi.
Tab kuch haatho ne firse kitaab uthayi thi,
Tab kuch haatho ne firse kitaab uthayi thi
kyuki unhe apni manzil saamne nazar aayi thi
Ek saal tak office, college, preparation aur niji zindagi ki jaddojehat k beech, humne kayi sapno bhari raatein gawaayi hai
Ek saal tak office, college, preparation aur niji zindagi ki jaddojehat k beech, humne kayi sapno bhari raatein gawaayi hai
Kyuki unn sapno ki manzil humein khuli aankho se nazar aayi hai!!
College k baad kabhi nahi socha tha ki aisi dosti aur bhi kahin mil paati hai
College k baad kabhi nahi socha tha ki aisi dosti aur bhi kahin mil paati hai
Magar FMS k Chand shuruati dino mai hee samajh gaye ki nayi khushiyo ka aagman abhi baaki hai :)
Inn sab chizo ko face to face experience karna abhi baaki hai. FMS Tribe of 23 k yaaro, red building of dreams tayaar hai, ab bass aasman mai hum sabke sapno ki udaan baaki hai❤❤